Prisustvo ministra Unutrašnjih poslova Mevludina Nuhodžića i načelnika uprave policije Veselina Veljovića sa saradnicima govorilo je o radnim i ljudskim kvalitetima čovjeka koji je u nedjelju popodne u Igalu tragično izgubio život dok je bio na dužnosti, prenosi Antena M.
Foto: Antena M
Pred poslednji ispraćaj na mjesno groblje u Budečevici, ispred kapele na Žabljaku, od Milutina se oprostio načelnik regionalnog centra granične policije jug Siniša Jokić.
„Opraštam se od kolege, u času kada emocije pobjeđuju razum, u ime Uprave policije, plave uniforme, časne crnogrske policijske značke, svih čuvara granice naše države. Opraštam se od Milutina koji strada od ruke ljudske kukavice na krajnje svirep i podmukao način, bez imalo ljudskosto i savjesti“, kazao je Jokić i podsjetio na težak i odgovoran posao policajca, ali i na to da je ponos nositi policijsku uniformu, raditi časno i profesionalno u interesu svih građana.
Foto: Antena M
„Dok je nas, sadašnjih i budući pripadnika policije ti ćeš uvijek biti naš Leka koji stalno podsjeća kako se časno i ponosno obavljaju policijski poslovi. Ostavio si uspomene koje nas podsjećaju da je među nama bio čovjek iz poštene crnogorske porodice koji je za 20 godina rada ostavio dubok i pošten trag u službi. Naša služba neće zaboraviti tvoju žrtvu a tvoja porodica, supruga Vesna i kćerka Jelena su naša briga, dužnost i obaveza“, kazao je Siniša Jokić.
Komentari