Zatvor se manifestuje smanjenjem broja stolica, njihovom tvrdoćom i otežanim pražnjenjem crijeva. Uzroci su najčešće promjena uobičajenih, svakodnevnih životnih navika (putovanja, privremeno nekretanje, preobilni obroci), uzimanje nekih lijekova (na primjer, sedativa ili lijekova protiv kisjeline) ili bolesti poput dijabetesa, tumora, sindroma nadraženog crijeva, multiple skleroze i sl., a česta je i u trudnoći.

Zatvor može uzrokovati druge, vrlo neugodne bolesti poput analnih fisura (oštećenja sluznice analnog kanala), čira rektuma i, vrlo često, hemoroida; tako se stvara zatvoreni krug zbog kojeg se stanje stalno pogoršava. Zatvor se može javiti samo povremeno ili pak prerasti u hroničan problem ukoliko potraje duže od 6 nedjelja. Opstipacija je često praćena umorom jer se organizam nedovoljno oslobađa toksina iz sadržaja crijeva. Kad je prolaz crijevnog sadržaja usporen, sluznica crijeva duže upija vodu i stolica postaje tvrda.

Recept za napitak

Sastojci:

1 svežanj lišća spanaća

2-3 dl kisjelog mlijeka

Priprema:

Izaberite kvalitetan, mladi, svježi spanać. Odvojite peteljke od lišća i dobro operite lišće. Stavite lišće u blender. Dodajte u to 2 -3 dl kisjelog mlijeka. Dobro umutite.

Ujutro i uveče pijte po jednu čašu ovog napitka. Ovo će brzo podstaći vaš probavni sistem na pravilan rad.

Izvor: Stvar ukusa