Kako se vidi na snimku, čovjek rukama kida djelove novog asfalta, podiže ga kao tepih sa podloge i drobi u rukama.

Osoba koja snima za to vrijeme pokušava da ga spriječi da cijelom širinom puta skine asfalt, ubjeđujući ga „nemoj dalje, nemoj dalje“, „gre’ota je, greota je Srki“.

Korisnici Instagrama su u komentarima primijetili da je ovaj asfalt debeo tek pet centimetara, iako bi prema propisima trebalo da bude između 10 i 15 centimetara.

Jedan komentator je napisao da je kvalitet takav da je svojom „vespom“ napravio rupu na mjestu na kom parkira ispred kuće.

- Moja vespa od 125 kubika je izbušila asfalt na mjestu ispred kuće gdje stalno parkiram, ali od kada su stavili novi. Onaj stari nije mrdao pod ovim mojim čudovištem - našalio se ovaj Crnogorac.

Drugi, pak, tvrde da je asfalt krt i lomljiv zbog visokih temperatura i da je to normalno.