“To, međutim, može i treba da se promijeni jer zemlje zapadnog Balkana imaju dobro obrazovane ljude koji mogu biti produktivni kao i njihovi vršnjaci u zapadnoj Evropi. Bolje institucije, manje uplitanja države, više ulaganja u infrastrukturu – to su najvažniji zadaci i EBRD je tu da pomogne u svim oblastima”, rekla je Hargitaj za Biznis magazin.

Po njenoj ocjeni, neki od glavnih razloga relativne nerazvijenosti regiona zapadnog Balkana su komplikovane poslovne regulative i procedure i veliki uticaj države u državnim preduzećima koja uglavnom imaju nepravedne konkurentske prednosti u odnosu na privatne firme.

“Sve ovo, zajedno sa velikim neformalnim sektorom ima mjerljiv negativan uticaj na učinak privatnih kompanija koje posluju u formalnom sektoru ili na njihovu spremnost da ulažu. Stope direktnih stranih investicija su i dalje znatno niže nego u Centralnoj i Istočnoj Evropi, što doprinosi nižoj produktivnosti rada i sporijem približavanju životnom standardu EU”, navela je Hargitaj.