Tim povodom Marija je za Meridiansport iznijela svoje impresije nakon još jednog sjajnog mitinga.

Za svega deset dana uspjela je dva puta da popravi nacionalni rekord u dvorani. 

¨Zadovoljna sam, sve ide kako treba. Spremna sam, zdrava sam i nadam se da će biti još bolje.Bilo je jako takmičenje, prvi put sam skakala u Banjskoj Bistrici i atmosfera je bila super, svjesna sam da je konkurencija jaka ali ja želim da preskočim svoj maksimum i da pobijedim sebe, pa kako god bude. Radujem se SP u Beogradu.¨

Plasmanom u finale Olimpijskih igara pomjerila je granicu, naredne igre su u Parizu, za dvije godine. 

¨Sama norma za odlazak na OI je bila velika, ulazak u finale jedno veliko iskustvo i spoznaja da pripadam samom vrhu skoka u vis, za šta sam se borila dugi niz godina. Zadovoljna sam i uživam u skakanju, vjerujem da mogu da budem još bolja u Parizu, samo Bože zdravlja.¨ piše Meridiansport.

Kao tinejdžerka, u Kanadi uspjela je da osvoji titulu juniorskog prvaka svijeta. Nakon tog uspjeha, njena karijera možda i nije išla u pravcu u kojem je željela, ali posljednjih godinu dana pokazala se među najboljim skakačicama svijeta. Ona je prokomentarisala kako je zadovoljna svojim uspjehom.

¨Kanada izgleda tako daleko, ali svakako veliki rezultat, uspjela sam da se izborim sama sa sobom i da pokazem da to nije bilo slučajno. Bez svih tih padova, mislim da mi protekla godina i ovi rezultati ne bi ovoliko značili, emocije su velike i uživam u skakanju. Zadovoljna sam!Cilj je da preskočim 2m, za početak, a onda ćemo vidjeti.¨

Ona napominje kome je najviše zahvalna i šta je njen cilj.

¨Motivacije mi ne fali, od kada sam došla u Grčku, pronašla sam opet sebe i onaj osjećaj uživanja kao kada sam počela da se bavim atletikom. Atmosfera u grupi mi je super, sa trenericom imam super odnos. Najveća motivacija mi je porodica i volim kada ih činim ponosnim i kada se raduju zbog mojih uspjeha, isto kao i moji dragi ljudi. Fokus je na treninzima i takmičenjima, makar još koju godinu.¨ zaključila je Marija za Meridiansport.