"Veliki povratak prijatelja, partnera i saveznika. Snažna poruka predsjednika Bajdena: Posvećenost SAD članu 5 je čvrsta kao stijena i nepokolebljiva. To je sveta obaveza", napisao je Đukanović na Tviteru.

 Bajden je juče na NATO samitu kazao da je Alijansa od ključne važnosti za američke interese. Lider najmoćnije zemlje svijeta poručio je da je kolektivna obrana NATO-a, načelo da se napad na jednu članicu smatra napadom na sve, "sveta obveza".

Njegov prethodnik Donald Tramp izbjegavao je potvrditi da SAD podržavaju član 5. Sjevernoatlantskog ugovora, koji definiše kolektivnu obranu NATO-a.

“Članak 5 je sveta obveza. Želim da cijela Evropa zna da su Sjedinjene Države tu”, rekao je Bajden po dolasku na samit Saveza.

“Stalno podsjećam Amerikance da se NATO mobilisao kada je Amerika napadnuta na svom tlu prvi put od početka Drugog svjetskog rata. Saveznici su poštovali članak 5”, rekao je Biden, misleći na solidarnost saveznika nakon terorističkih napada 11. septembra 2001.

Pozvao je članice da se zajedno suoče s novim izazovima koje predstavljaju Rusija i Kina.

“Sve više raste svijest u zadnje dvije godine da imamo nove izazove. Imamo Rusiju koja se ne ponaša na način na koji smo se nadali. A tu je takođe i Kina”, rekao je Bajden.

Čelnici NATO-a će u završnoj deklaraciji koju će usvojiti u ponedjeljak prvi put imenovati Kinu kao “sistemski izazov”.

“Javno iznesene ambicije i asertivno ponašanje Kine predstavljaju sistemske izazove za međunarodni poredak koji počiva na pravilima i u područjima koja su relevantna za sigurnost saveznika”, kaže se u nacrtu dokumenta.