"Stvarno mi je jako žao Novaka jer mu je ideja bila odlična. Teško je suditi jer je situacija u Srbiji i Hrvatskoj takva da ljudi uglavnom ne poštuju nikakve mjere, a ne samo kad je riječ o tenisu. Ako odete u neki restoran ili klub, viđećete čovjeka na čovjeku", rekla je Vekić, prenijeli su hrvatski mediji.

"Još jednom, žao mi je Novaka, jer dovesti takve top igrače u Hrvatsku je zaista bio dobar posao, a svi prihodi je trebalo da idu u humanitarne svrhe. Žao mi je što je završilo ovako, imao je samo dobre namjere", dodala je Vekić, koja je igrala na zadarskom Adrija Turu.

Nakon prvog testa na Covid-19 koji je pokazao da je Vekić negativna, danas su stigli rezultati drugog testa koji su još jednom potvrdili da nema korona virus, navode hrvatski mediji.