Sastojci:

600 grama pilećih grudi (filea)

1 kilogram spanaća

2 kašike mješavine začina

1 glavica luka

1 kašika mljevene crvene paprike

ulje

so

Priprema:

Pileće grudi isječemo na kocke (ili na šnicle), posolimo, začinimo mješavinom začina, pobiberimo i pržimo u tiganju sa zagrijanim uljem. U tiganj nalijemo 100 mililitara vode.

Glavicu luka isječemo na tanke šnite i dodamo u tiganj na šporetu. Još jednom začinimo mješavinom začina. Dodamo crvenu mljevenu papriku i sipamo još 100 mililitara vode.

Keramičku posudu poprskamo uljem i stavimo pola od prethodno opranih listova spanaća. Pola sadržine iz tiganja nanesemo u keramičku posudu.

Potom preko stavimo preostale listove spanaća, pa preostalu sadržinu iz tiganja dodamo u posudu.

Poklopimo poklopcem i stavimo u rernu.

Pečemo 60 minuta na 220 stepeni. Izvadimo posudu iz rerne i kašikom izvadimo jelo na posude za serviranje. Po ukusu, moguće je uz porciju dodati i po jednu kašiku pavlake ili servirati kisjelo mlijeko.

 

Izvor: Yumama