Nacional piše da posjeduje audio snimak koji ukazuje da bi nalogodavac ubistva Pukanića mogao biti Đukanović. Kako je objavljeno, "na snimku telefonskog razgovora  Sreten Jocić poznatiji kao Joca Amsterdam otkriva zašto do sada nije prokazao Mila Đukanovića".

Pritisci tadašnjeg policijskog rukovodstva Srbije, u vrijeme vlasti Borisa Tadića, da Jocić, lažno optuži Đukanovića, kako bi se na taj način diskreditovala Crna Gora i njeno rukovodstvo, nisu dali željeni učinak, podsjeća se u regovanju kabineta šef države.

"Tada su raskrinkani kao jedan od brojnih metoda u pokušaju kriminalizacije Mila Đukanovića, koji razni obavještajno - medijskih centri, sprovode duže od 20 godina. Jedan od takvih pokušaja bila je i “Duvanska afera”, koja je i sudski verifikovana kao podmetačina, dok su svi akteri u tom procesu, pred italijanskim sudovima, pravosnažno oslobođeni svih optužbi.

Činjenica da „Nacional”, koji je bio glavno oruđe, u lažnoj  „duvanskoj kampanji”, u susret godišnjici ubistva osnivača ovog lista, reciklira senzacionalistički obrađenu laž iz 2012. godine, smatramo očajničkim pokušajem dizanja tiraža i nuđenja svojih usluga onim centrima koji Crnu Goru i dalje doživljavaju kao svoju metu.", stoji u regaovanju.