Mnogi muškarci su odlučili da puste bradu, ali je profesionalni model i ambasador proizvoda za njegu brade Karlos Kosta učinio suprotno – obrijao se nakon 10 godina, piše Men’s Health.

„Prošlo je 10 godina otkako sam vidio svoje lice, i ono se promijenilo. Imam 40 godina, dakle malo sam ostario, i želim da vidim kako izgledam bez brade“, rekao je Kosta.

Dodao je da je sadašnju suprugu upoznao prije 7 godina, što znači da ga nikada nije vidjela bez brade.

Karlos se obrijao i pri tome napravio pokoju posjekotinu. Bio je zadovoljan izgledom. A onda ga je ugledala supruga Jenna.

Njena reakcija bila je urnebesna i zabilježena je na snimku, koji je objavljen na Jutjubu.

„Koji... „, uzviknula je.

„To je čudno. O moj bože, ne mogu gledati u tebe...ne liči na tebe“, dodala je.

Kada se malo priviknula, bila je fascinirana i rekla da zapravo izgleda mlađe i da je čudno da može vidjeti njegove usne kako se miču dok govori.