Mačak uzrok sudskog spora od nekoliko hiljada funti
Ilustracija

Tužba zbog nevjernog mačka

Mačak uzrok sudskog spora od nekoliko hiljada funti

Britanska psihoterapeutkinja, vlasnica crno-bijelog mačka sklonog skitnji, potrošila je hiljade funti na sudski spor protiv komšinice koju je posjećivao i kod koje se hranio nevjerni Ozi.

Svaki put kad bi se vratio iz skitnje u svoj dom u četvrti Brekenberi Vildž u Londonu, Ozi nije bio iscrpljen, već naprotiv, vraćao se punog stomaka i svilenaste dlake, pišu britanski dnevnici.

Vlasnicima je teško padala mačkova nevjera, pa su kupili ogrlicu GPS u novembar 2015. kako bi pratili njegova kretanja.

I prodrli su u tajni život Ozija koji nije jurio ženke niti se tukao s mačorima već mirno boravio kod komšinice, ugledne pejzažne arhitektice, gdje je imao svoj ležaj i sopstveno posuđe za jelo.

U osam navrata Ozijeva vlasnica, psihoterapeutkinja, ulovila ga je kod komšinice. Uzalud je pejzažna arhitektkinja tvrdila da mačku nije činila ništa nažao i da je kod nje mažen kao u sopstvenom domu, ali psihoterapeutkinja je pokrenula pravnu bitku na koju su dvije strane potrošile više od 20.000 funti.

Nakon nekoliko godina sudski spor je zaključen i, prema presudi, pejzažna arhitektkinja je pristala da ograniči svoja druženja s Ozijem.

Komentari

Komentara: (0)

Novi komentar

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.