Darmanović je ocijenio da je Crna Gora u posljednje tri godine jee napravila značajne prodore u oblasti vanjske politike.
On je, u izjavi objavljenoj na facebook nalogu Vlade, kazao da je prije nešto više od dvije godine ostvaren glavni spoljnopolitički cilj – članstvo u NATO.
„Učlanjenjem u najjaču vojno-političku Alijansu trajno smo riješili pitanje svoje bezbjednosti, teritorijalnog integriteta naših granica, ali i mnoge druge benefite koje pruža članstvo u NATO-o. Povećali smo infesticije iz NATO zemalja, osigurali vazdušni prostor i značajno iskoračili u modernizaciji Vojske”, naveo je Darmanović, prenosi Mina.
Prema njegovim riječima, današnji glavni vanjskopolitički cilj je učlanjenje u EU.
„Vjerujemo da politika proširenja nema alternativu, ni za EU, bez obzira na neka usporavanja, a pogotovo ne za Zapadni Balkan“, istakao je Darmanović.
Crna Gora je, kako je naveo, investirala mnogo u regionalnu saradnju, jer se zna da je saradnja sa susjedima jedana od prioriteta crnogorske vanjske politike.
Darmanović je podsjetio da je Crna Gora članica 30 inicijativa, od čega je u šest presjedavala ili će predsjedavati u narednoj godini.
„Uradili smo mnogo u i promociji naše zemlje i vanjske politike, tako da možemo biti zadovoljni ostvarenim rezultatima. Naravno, uvijek može i bolje, a to bolje ćemo nastojati da ostvarimo i u narednoj godini”, zaključio je Darmanović.
Komentari