Uveo strog zakon o preljubi, a onda bičevan zbog afere sa udatom ženom (VIDEO)
Foto: Screenshot

Uveo strog zakon o preljubi, a onda bičevan zbog afere sa udatom ženom (VIDEO)

Muškarac iz Indonezije učestvovao je u donošenju strogih zakon o preljubi, a zatim je javno kažnjen jer je imao aferu sa udatom ženom.

Muklis bin Muhamad iz Vijeća ulema države Ačej, jedine oblasti u Indoneziji u kojoj se sprovode strogi šerijatski zakoni, bičevan je 28 puta, a žena s kojom je bio u vezi 23.

Homoseksualizam i kockanje se takođe kažnjavaju bičevanjem u Ačeju.

„Ovo je božji zakon. Svako mora da bude bičevan, ako se dokaže krivica, čak iako je član Vijeća", rekao je zamjenik gradonačelnika okruga Ačej Besar Husaini Vahab za BBC Indonezija.

Inače, policija je uhvatila par u automobilu parkiranom blizu plaže u septembru. Bičevani su u četvrtak i Huseini kaže da će Muklis biti izbačen iz Vijeća.

Muklis ima 46 godina i prvi je islamski vjerski vođa koji je bičevan u Ačeju, od kada je šerijatski zakon stupio na snagu 2005. godine.

Ačej je počeo da uvodi strožije islamske zakone prije više od decenije. Zakoni protiv homoseksualizma uvedeni su 2014. godine i stupili su na snagu 2015.

Vanbračni seks, kockanje i konzumacija, proizvodnja i distribucija alkohola su takođe zabranjeni.

Tokom 2017. godine, dva muškarca bičevana su 83 puta u Aćehu, nakon što su uhvaćeni tokom seksualnog odnosa. U Aćehu se za bičevanje koristi štap od ratana, a zabranjeno je prisustvo djece. Oni koji bičuju, moraju da budu skroz prekriveni kako njihov identitet ne bi bio otkriven.

Šerijatski zakon se u Ačeju primjenjuje na muslimane i na one koji su druge vjere.

 

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.

Komentara: (0)

Novi komentar