Mirisno ulje iz latica te ružičaste ljepotice čini Šanel 5 tako posebnim i omiljenim damama širom svijeta.

Porodica Mil ima ekskluzivno pravo da uzgaja jasmin i ruže za modnu kuću Šanel.

Nihovo imanje se nalazi u Pegomasu, na jugu Francuske, u blizini prijestonice parfema - Grasa.

Poznata i kao majska ruža, "rosa centifolia" cvjeta samo jednom godišnje, od maja do juna.

Može rasti i u drugim krajevima cvijeta, ali stručnjaci kažu da samo ruža uzgajana u Pegomasu daje isti miris prvobitnog parfema Šanel 5.

Najprodavaniji parfem na svijetu napravio je 1921.godine Ernest Beaux po narudžbi Koko Šanel, koja mu je tražila da napravi "parfem koji miriše kao žena".

Šanel 5 je donio revoluciju u proizvodnji parfema jedinstvenim mirisom koji čini čak 70 sastojaka.

Iako je tačna formula tajna, zna se da su ključni sastojci "rosa centifolia" i jasmin.

Dok se približava stotom rođendanu, formula dugovječnosti je misteriozna kao i kompozicija parfema.

Slavi parfema Šanel 5 najviše je doprinijela Merilin Monro koja je izjavila da kad ide na spavanje na sebe stavi "samo nekoliko kapi Šanela 5" i to je bilo dovoljno da postane omiljen milionima dama širom svijeta.

Šanel 5 postao je ikona 20.vijeka, a 1959.godine dobio je i nagradu muzeja MOMA u Njujorku.

I na pragu stotog rođendana nijednoj novoj kreaciji proizvođača širom svijeta ne prepušta mjesto najpoznatijeg je i najprodavanijeg parfema u istoriji.