Amerikanci umiru od predoziranja ljekovima
Ilustracija

Američke farmaceutske kompanije zasipaju tržište ljekovima od kojih se stvara zavisnost

Amerikanci umiru od predoziranja ljekovima

Sjedinjenje Američke Države se, prema pisanju tamošnjih medija, trenutno bore sa epidemijom zavisnosti od ljekova i smrtnosti od prevelikih doza ljekova. Tamošnji centri za kontrolu i prevenciju bolesti procjenjuju da u prosjeku 115 Amerikanaca umire svaki dan od opioidnih predoziranja. Savezna država Zapadna Virdžinija trenutno ima najveću stopu smrtnih slučajeva od prekomjerne upotrebe opioidnih ljekova u zemlji.

Tamošnje vlasti objavile su, kako su ih sami nazvali, skandalozne informacije o tome kako su farmaceutske kompanije “potapale” male gradove u Zapadnoj Virdžiniji u milione opioidnih pilula u posljednih deset godina. Farmaceutske kompanije su u gradić Vilijemson koji broji tri hiljade stanovnika, u periodu od 2006 do 2016 godine “usule” 21 milion opioidnih tableta hidroksanona i oksikodona. To znači da je svaki stanovnik Vilijemsona godišnje kupovao 700 opioidnih tableta ili skoro dvije dnevno.

Tamošnji zvaničnici obećavaju da će doći do saznanja kako je bilo moguće “osloboditi razarajuće sile” nad Zapadnom Virdžinijom. A radi se o dva regionalna distributera, farmaceutskim kompanijama Miami-Luken iz Ohaja i HD Smith iz Ilinoisa. Obije kompanije distribuirale su opioide u male gradove. Sada se prijeti istragom njihove poslovne prakse, uključujući i činjenicu da im nije bilo sumnjivo što šalju milione pilula u gradić sa tri hiljade stanovnika.

Ali Miami-Luken i HD Smith nisu jedini distributeri koji su privukli pažnju vlasti. Oni su samo najnoviji u istraživanju onog što se u SAD naziva "dampingom pilula" tokom opioidne krize. Kombinujući podatke prikupljene od Uprave za Ljekove i distributera, vlasti su došle do saznanja da su distributeri ljekova kolektivno otpremili 20,8 miliona tableta hidroksonona i oksikodona u dvije apoteke u Vilijemsonu. Te apoteke su  smještene na razdaljini od nekoliko stotina metara. Sada će distributeri morati da objasne kako je gradić od 3000 ljudi mogao da zahtjeva tako masovno snabdjevanje opioidnim pilulama a da to ne upali alarm.

A cifre govore same za sebe. Tako su u gradiću Kermit u Zapadnoj Virdžiniji svih 406 stanovnika u 2008 godini dobili po 5624 opioida od distributera. Koliko je duboka kriza ali i koliko se  distributeri ljekova ne brinu šta će se dogoditi sa proizvodima koje prodaju govori podatak da kompanija Miami-Luken  nije našla ništa loše u tome što je iz jedne apoteke u Kermitu u razmaku od pet dana dobila narudžbu od nekoliko desetina hiljada pakovanja opioidnih tableta. Bitno je bilo samo da se plati.

Opioidne tablete predstavljaju ono što se u narodu zove ubice boli. Postoje prirodni,koje luči svaki organizam, poput endorfina. Postoje alkaloidi opijuma kao što su morfijum i kodein. Hidroksanon I oksikodon, koje američki distributeri dijele široke ruke, su polusintetički opioidi baš kao i herion. Baš kao i heroin predstavljaju opojne droge i zbog razvoja zavisnosti su opasni i primjenjuju se samo kada za to postoji medicinsko opravdanje. U apotekama se ovi ljekovi čuvaju u posebno odvojenim i strogo čuvanim sefovima. Osim u Americi…tamo se koriste za legalno drogiranje.

 

 

Komentari

Komentara: (0)

Novi komentar

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.