Doli Sing je pet godina radila kao direktorka u američkoj kompaniji "Spejs X", a svaki dan je na posao obuvala cipele sa visokom potpeticom. "Imala sam izbor ili da nosim ružnije cipele ili da nosim sve te lijepe koje imam, ali da trpim bol u nogama", kaže Doli.

Odlučila je da uradi nešto drugo: okupila je tim stručnjaka - naučnika, modnih dizajnera, ortopeda… sa kojima je napravila model cipela za koje kaže da su istovremeno udobne i lijepe.

Evo u čemu je razlika.

Cipele sa štiklom u sebi imaju metalnu konstrukciju zbog čega su neudobne i tvrde kada hodate u njima. Ova ekipa odlučila je da taj metalni dio zamijeni polimerom i specijalnom plastikom, a posebna pjena u đonu čini da cipele budu mekše, udobnije i da se težina tijela ravnomjerno rasporedi na stopala prilikom hoda.

Prvi modeli ovih cipela naći će se u prodaju na jesen, ali nažalost, neće biti baš dostupne svima - koštaće oko 825 eura. Iako nisu jeftine, već postoji lista čekanja za ove cipele, prenosi Mondo.