Sedam odjevnih komada koji savršeno prikrivaju višak kilograma
ilustracija

Predstavljamo vam

Sedam odjevnih komada koji savršeno prikrivaju višak kilograma

Na svu sreću, postoje brojni trikovi pomoću kojih će vaš višak kilograma biti manje vidljiv ili gotovo neprimijetan.

Odaberite pravi model farmerki 

Jedan od najboljih savjeta, kad je riječ o prikrivanju jastučića oko stomaka, je odabir pravog kroja farmerki. Iako su farmerke niskog struka uvijek u modi, one su namijenjene srećnicama s ravnim stomakom. Ako nijeste među njima, bilo bi vam pametnije da se klonite takvih modela. Umjesto toga, odaberite model s višim strukom koji će sakriti vaš stomačić. To će vam pomoći da zakamuflirate zonu koju ne želite da istaknete. 

Haljine na preklop 

Haljine i uopšte sva odjeća na preklop odličan je izbor za žene koje imaju problema s viškom oko stomaka. Ako nijeste sigurni u to, isprobajte bar jednom i uvjerićete se da je riječ o pravom malom modnom čudu. Haljina na preklop prekriva kritične djelove tijela i lijepo ističe siluetu ženskog tijela. 

Duge i lepršave majice 

Duge i lepršave majice spas su za žene koje pokušavaju da sakriju višak oko stomaka. Na svu sreću, ponuda takvih modela u prodavnicama je zaista bogata pa vjerujemo da ćete pronaći barem jednu po svom ukusu. Tunike takođe predstavljaju dobar odabir, naročito za svečanije prilike. U svakom slučaju, ako želite da sakrijete svoj stomačić, izbjegavajte uske i pripijene majice i birajte lepršave materijale i modele. 

Češće nosite kardigan 

Široki kadigani i tzv. “oversize” jakne odličan su izbor za prikrivanje stomačića i to iz jednog jedinog razloga – jer ih možete ostaviti otkopčane, da slobodno padaju. Na taj način će vaš višak oko stomaka biti prikriven i manje uočljiv. 

Majice sa spuštenim ramenima 

Majice sa spuštenim ramenima i/ili širokim rukavima odlično će odraditi svoj posao kad je riječ o prikrivanju viška oko stomaka. Naime, kod takvih majica struk nije izražen pa višak oko stomaka nije tako uočljiv. 

Rastegljivi materijali 

Odjevni komadi od rastegljivih materijala ponekad mogu dobro da 'odrade posao' kad je riječ o prikrivanju viška kilograma. Jedini trik je u tome kako ih nosite. Helanke su odličan primjer, a možete ih kombinovati s tunikom koja će prekriti višak oko stomaka. 

Nosite veš za oblikovanje 

Iako veš za oblikovanje nije najseksi stvar na svijetu, žene s viškom kilograma ga obožavaju, i to s razlogom. Takav veš će vas utegnuti i na taj način prikriti stomačić. Naročito je odličan izbor za fensi prilike u kojima je potrebno nositi svečane haljine koje ističu figuru. 

( Cosmopolitan.rs )

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.