Sjajnu partiju pružile su izabranice Maje Savić, naročito u drugom poluvremenu. Držale su se Hrvatice do velikog odmora i imale aktivan rezultat poslije 30 minuta jer je Crna Gora vodila sa 13:12.

U nastavku meča na parketu je postojala samo naša reprezentacija. Raspucale su se naše mlade "lavice" i prednost je konstantno rasla u korist nasljednica Bojane Popović, Kaće Bulatović i ostalih vrhunskih crnogorskih rukometašica.

Na kraju je stigla ubjedljiva pobjeda, treća u nizu, nakon uspjeha u mečevima sa Francuskom i Angolom.

Đurđina Malović dala je devet golova, jedan više od imenjakinje Jauković. Nina Bulatović upisala se pet puta u strijelce, Vanesa Agović dala je tri pogotka, Itana Grbić i Ema Ramusović po dva, a Slađana Čavlović i Slađana Prelević po gol. Zadravec je sa druge strane dala sedam pogodaka.

Crna Gora u sljedećem kolu u petak od 16.15 igra protiv Kine.

(cdm)