Slovačka: Uhapšeni osumnjičeni za ubistvo novinara i njegove vjerenice
Martina Kusnirova i Jan Kuciaka

Slučaj zbog kojeg je pala Vlada

Slovačka: Uhapšeni osumnjičeni za ubistvo novinara i njegove vjerenice

Slovačka policija uhapsila je osumnjičene za ubistvo novinara koji se bavio istraživačkim novinarstvom i njegove vjerenice, slučaja zbog kojeg je pala Vlada Slovačke, potvrdio je u četvrtak aktuelni premijer Petar Pelegrini.

“Srećan sam što sam dobio vijesti da je policija uhapsila osumnjičene za ubistvo dvoje nedužnih mladih ljudi“, napisao je Pelegrini na društvenim mrežama.

Poručio je da je istraga u slučaju ubistva novinara i njegove vjerenice prioritet za njegovu Vladu, prenosi Anadolija.

Daniel Lipsik, advokat koji zastupa porodice ubijenih Jana Kuciaka i Martine Kusnirove, izjavio je da su hapšenja izvršena u četvrtak rano ujutru.

Iz policije su potvrdili da su obavljene racije i hapšenja, ali nijesu spominjali slučaj Kuciak.

Kuciak i Kusnirova ubijeni su u njihovom domu 21. februara ove godine. Slovačke vlasti su saopštile kako vjeruju da su ubistva povezana sa Kuciakovim poslom, jer je istraživao moguću rasprostranjenu korupciju u Vladi i veze između političara i italijanske mafije.

Ubistva su izazvala političku krizu koja je dovela do velikih protesta, nakon čega je smijenjen prvi čovjek slovačke policije, a potom i pala Vlade.
 

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.

Komentara: (0)

Novi komentar