Kako je CdM-u kazao komandir Službe zaštite i spašavanja Andrija Čađenović, požar im je dojavljen u 17,10 časova.

“Na lice mjesta upućene su četiri posade koje su dolaskom na lokaciju Donjih Kokota zatekle požar u poodmakloj fazi koji je zahvatio nekoliko voćnjaka i vinograda i prijetio da ugrozi objekte. Pravovremenom intervencijom posada na licu mjesta spriječeno je širenje požara na objekte u blizini kojima je vatra prijetila. U požaru je gorjela velika površina trave i rastinja na samom polju, a prema pokazateljima na terenu, požar je namjerno izazvan. Iz tog razloga na lice mjesta upućene su i ekipe policije”, navodi Čađenović.

Lokacija Donjih Kokota svake godine je ugrožena požarima.

Požar je u potpunosti ugašen 18,25 časova.