Srbin sa 14,7 promila alkohola u krvi oborio svjetski rekord i postao medicinski fenomen
Foto: Ilustracija

Napio se poslije svađe sa suprugom

Srbin sa 14,7 promila alkohola u krvi oborio svjetski rekord i postao medicinski fenomen

Inženjer iz Beograda postao je čovjek sa najviše promila alkohola u krvi ikada zabilježenih.

Naime, on je 31. decembra, pred doček Nove godine, dovezen na hitnu, gdje mu je izmjereno čak 14,7 promila alkohola u krvi, ali je nekim čudom ipak uspio preživjeti, pišu srpski mediji.

Kad se sjutradan probudio, Beograđanin je priznao je da je popio čak četiri litra viskija, i to zato što se svađao sa ženom.

Prema riječima doktora Dragana Joksovića, svjetski rekorder i medicinski fenomen visok je oko dva metra i težak više od 150 kilograma pa ga je osoblje jedva uspjelo da stavi na nosila.

“Bila je novogodišnja noć i nešto poslije 23 sata hitna pomoć je dovezla čovjeka koji je bio u stanju alkoholne kome. Sjećam se da je pacijent bio izuzetno korpulentan, pa smo mu morali, s obzirom na to da smo ga jedva smjestili na nosila, staviti i onaj dodatak za noge. Kako sam vidio da je pacijent mortus pijan i u dubokoj komi, dežurao sam pored njega cijele noći i pratio rezultate koji stižu”, kazao je doktor.

“Negdje pred jutro, kad se pacijent već probudio iz kome, kod mene su došle kolege da pitaju je li živ. Rekao sam im da već uveliko priča, a oni su mi šokirani dodali njegove rezultate analiza alkohola u krvi na kojima je pisalo nevjerojatnih 14,7 promila. Pitao sam ih jesu li sigurni u to, a oni su mi rekli da je test tri puta ponavljan i svaki put je pokazao isto. Bio je to medicinski fenomen koji nikada nigdje nije zabilježen u svijetu, apsolutni svjetski rekord. Većina ljudi bi uveliko bila mrtva i sa mnogo manjom koncentracijom alkohola od ove”, dodao je, prenosi Indeks.

Hematologinja Radmila Ješić objasnila je da ovaj čovjek sigurno ima izuzetno visoku toleranciju na alkohol jer svakodnevno pije, ali i upozorila da mu je jetra najvjerojatnije u jako lošem stanju i da, ako nešto radikalno u životu ne promijeni, neće još dugo živjeti.

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.

Komentara: (0)

Novi komentar