80-godišnji penzioner u studentskom programu Erazmus
Foto: Ilustracija

Španija

80-godišnji penzioner u studentskom programu Erazmus

Jedan od učesnika sljedećeg programa Evropske unije za razmjenu studenata Erazmus je i Migel Kastiljo, osamdesetogodišnji Španac iz Valensije, penzionisani notar s četiri bajpasa, koji upravo studira istoriju, a sljedeće sedmice će otputovati u Veronu u sklopu univerzitetskog školovanja.

Kastiljo je oženjen, ima troje djece i šestoro unučadi. Srčani udar je pretrpio nakon penzionisanja kad su mu ugrađeni bajpasovi, poslije čega svaki novi dan u životu doživljava kao poklonjen.

"Ubrzo po oporavku, rekao sam sebi: 'Želim da uradim nešto netipično za penzionera. Istorija me je uvijek zanimala i sve u vezi s njom, posebno savremene teme", rekao je Kastiljo španskoj novinskoj agenciji EFE, preniosi Beta/EURACTIV.

Iako je u devetoj deceniji, Kastiljo nema predrasuda u vezi sa svojim poodmaklim dobom u odnosu na kolege na kursu i tvrdi da se osjeća kao i ostali studenti. "Sjajno se odnose prema meni, godine nijesu nikakav problem".

Zato je bez razmišljanja odlučio da se prijavi za stipendiju Erazmus, pošto ga je ohrabrio jedan od njegovih univerzitetskih profesora. Kastiljova porodica već pravi planove da ga posjeti u sjevernoj Italiji za vrijeme trajanja programa.

Kastilju to neće biti prvi susret sa Italijom. Prije nego što se zaposlio kao notar, bio je profesor na Univerzitetu u Barseloni i za to vrijeme dva mjeseca je boravio u Rimu i Bolonji.

A u Veroni je prije 42 godine bio sa suprugom kako bi slušao koncert legendarne grčke operske dive Marije Kalas. "Zato sam izabrao Veronu", priznao je Kastiljo.

"Ljudima mojih godina poručujem da ne sjede u kući nego da se otvore prema svijetu jer mi još možemo da društvu damo mnogo toga i isto tako da od njega i dobijemo", dodao je Kastiljo.

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.

Komentara: (0)

Novi komentar