Postoji nekoliko razloga zbog čega se s godinama lakše debljamo, ali najveći je gubitak mišićne mase koji se sa starenjem događa kod svakog čovjeka, kaže dr. Karolin Apovian, direktorka Centra za nutricionizam i kontrolu tjelesne težine u Bostonu.

Dio mišićne mase koji je definisan najvažnija je stvar koja određuje brzinu metabolizma. Drugim riječima, što je mišićna masa veća, to ćemo sagorjeti više kalorija. Mišićna masa počinje se smanjivati oko 30. godine, a taj proces zvan sarkopenija, ubrzava se oko 40. godine. Ako ne preduzmemo nešto da zaštitimo i izgradimo tu definisanu mišićnu masu, naše tijelo trebaće manje kalorija da se udeblja, metabolizam će se usporiti, a izgubljenu mišićnu masu zamijeniće masno tkivo, objašnjava dr. Apovian.

Uz sarkopeniju, krivci za veću sklonost debljanju i otežano mršavljenje kako starimo su i hormonalne promjene, veća sklonost sjedilačkom načinu života, povećana količina stresa i manjak sna zbog sve većih odgovornosti i obveza. Izračunajte koliko će vam trebati da smršate.

Karolin Apovian dala je i 3 savjeta kako spriječiti smanjenje mišićne mase:

1. Radite vježbe s tegovima barem dvaput nedjeljno, povećavajući s vremenom i težinu tegova i intenzitet vježbanja. 

2. Naspavajte se jer san omogućava tijelu da se odmori i mišićima da se obnove. 

3. Jedite hranu bogatu nemasnim proteinima. Najbolji izvori takvih proteina su jaja, riba i perad te biljni proizvodi poput tofua, surutke,, orašastog voća i sjemenki.

Takođe je važno ne preskakati obroke u želji da "sačuvamo" kalorije za veći obrok kasnije. 

Najbolje je jesti često i to male, ukusne obroke koji sadrže proteine i vlakna. Jedete li redovno imaćete energije za trening snage, metabolizam će vam raditi dovoljno brzo i nećete biti u iskušenju da pretjerate s jelom, savjetuje Žaklin London, glavna nutricionistkinja na institutu 'Good Housekeeping', piše Zadovoljna.hr.