Znate li kakvu simboliku ima čoker ogrlica?
Ilustracija

Znate li kakvu simboliku ima čoker ogrlica?

Na povratak čoker ogrlica malo je žena ostalo imuno. Mnoge djevojke su ih bez razmišljanja prigrlile po ugledu na trendseterke sa Instagrama. Sa druge strane, postoje i oni koji u ovom trendu ne vide ništa privlačno, pa ih porede sa lancima koji su oko vrata nosili robovi ili okovratnicima za pse.

A kakvu simboliku zapravo ima čoker ogrlica koja se u potpunosti pripija uz vrat?

Čoker (Choker) u bukvalnom prevodu sa engleskog znači davilica. Ogrlice mogu biti napravljene od najrazličitijih materijala kao što su saten, koža, pliš, somot ili metal. Iako se vezuju za devedesete godine, o njima svjedoče mnoge kulturne epohe.

Za čuvenog slikara Eduara Manea i njegove savremenike tanka crna tkanina oko vrata bila je oznaka žena lakog morala. Njegova slika “Olimpija” iz 1963. predstavlja prostitutku višeg ranga, koja čeka svog klijenta. Njena smjelost i direktan, provokativni pogled zaprepastili su publiku tog vremena. Olimpija sa crnom trakom oko vrata, nagovijestila je slobodu, ali i dominaciju nad muškarcima.

Ogrlicacoker2

Ove ogrlice bile su omiljeni modni detalj i u kraljevskom svijetu. Ona je bila zaštitini znak Ane Bolen, jedne od najslavnijih i najuticajnijih kraljica Velike Britanije, a proslavila ju je i Aleksandra od Danske, supruga Edvarda VII i carica Indije.

Čoker je promovisala i čuvena glumica Brižit Bardo, dok su najveću popularnost doživjele 70-ih godina kao dio gotik i grandž stila. Ipak, najbitniji i najslavniji momenat čokera bile su devedesete godine.

Kako se moda vrti u krug, novi preporod čoker okovratnika započeo je svoju novu eru prošle godine, kada su ih i najpoznatije modne kuće poput  “Šanela” i “Lanvina” uvrstile u svoje  kolekcije.

Telegraf

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.