Voriorsi bolji od Portlanda, Toronto i Majami u polufinalu
Ilustracija

NBA

Voriorsi bolji od Portlanda, Toronto i Majami u polufinalu

Košarkaši Golden Stejta savladali su na svom terenu Portland sa 118:106 i tako poveli sa 1:0, u polufinalnoj seriji Zapadne konferencije plej-ofa NBA lige.

Voriorsi su i na ovom meču igrali bez pomoći Stefona Karija, a njegovu ulogu ponovo je preuzeo Klej Tompson koji je meč završio sa 37 poena.

Drejmond Grin ga je pratio sa 14. ovosezonskim "ripl-dablom" od 23 poena, 13 skokova i 11 asistencija, dok je Šon Livingston dodao 12.

Kod Portlanda, Demijan Lilard je ubacio 30, dok su Alen Kreb i Al Faruk Aminu dodali po 15 koševa.

Majami je na svom terenu savladao Šarlot sa 106:73, i tako se plasirao u polufinale konferencije, ukupnim rezultatom 4:3 u seriji.

Domaći tim je do pobjede predvodio Goran Dragić sa 25 poena, Džerald Grin je dodao 16, dok je Luol Deng ubacio 15 koševa.

Kod Šarlota, najefikasniji je bio Frenk Kaminski sa 12 poena, 11 je dodao Kortni Li, a 10 Nikolas Batum.

Prolaz u polufinale obezbijedio je i Toronto, koji je takođe slavio u sedmoj utakmici protiv Indijane (89:84).

Ovo je prva pobjeda Toronta u plej-ofu još od 2001. godine i trijumfa u pet utakmica protiv Njujork Niksa.

Toronto je pobjedom zakazao duel sa Majamijem u polufinalu, a Reptorse je do pobjede predvodio Demar Derouzen sa 30 poena, Norman Pauel je dodao 13, a po 11 su ubacili Kajl Lauri i Patrik Paterson.

Kod Indijane najbolju partiju prikazao je Pol Džordž sa 26 poena i 12 skokova, Hil je ubacio 19, a Monta Elis 15.

Tanjug

Komentari

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.